دوغولموشام اولو گوزه ل بير تورپاقدان ، ميليون ايلليک افقلر قوجاقيندا قديم قديم عادت لريم نغمه لريم آرزيلارين قوجاقيندا ، بوردا اينسان چينار کيمين قول بوداقلی ، بوردا اينسان داغلار کيمين عظمت لی ، اوره کلری گونش ﻛﻴﻤﻴـن صاف ائله يير ، يئرين عطری گويون عطری ، بوردا گئنيش چمنلرين چيچک چيچک  گولوشو وار ، بوردا دولموش سمالارين شمشک شمشک گولوشو وار ، بوردا اوجا ذيروه لرين بياض قاردان ، گوموشو وار .

بوراسي وطن

بوراسي آنا توپراقي دير

بوردا گونش ايشيقلی دير

       بوردا بولوت ، بوردا داغلار ، ياشاييرلار

                          هر گون ، گئجه

      بوردا هر قيز بيرينی سئوسه

             جان دئيه رک جانين وئرير

         بوردا سينه گولله ايچين يارانيب

        بوردا جانين نه قيمتی

       بوردا اولوم ده يرلی دي

     بير اوددوملوق هاوا  درمان هر غمينه المينه قديم قديم يوللارا دير ، گئت ناغيللار عالمينه ، بوردا دوزسوز اعتبارلی داﻳاق اولور ، دده م قورقود هر مجلسده قوناق اولور اولکی تک وورغوندولار اودا سويا ، بوردا يئنه مقدسدﻳـر بابالارين قويدوق لاری ، قانون قايدا ، دوغولموش ايلک اينسانين ايلک هنرين ، ايلک آتشين بئشيکينده گره ک بيزيم اوجاغيميز دائم يانا ، داغی باباميز اللرينه داياغ ائديب چئنه سيز گوز يئتيرير . نسليميزين بوگونونه ، صاباحينا .